ဗစ်တိုးရီးယားအမှုမှ ဖမ်းဆီးခံရသူ အောင်ကြီးက ရဲတပ်ဖွဲ့ထံ ကျပ်သိန်း၅၀၀၀ နစ်နာကြေး ရလိုမှုဖြင့် တရားစွဲမှုတွင် စေ့စပ်မှုမအောင်မြင်သဖြင့် တရားမမှုအတိုင်းဆက်ဆောင်ရွက်မည်
ဗစ်တိုးရီးယားအမှုမှာ ဖမ်းဆီးချုပ်နှောင်ခံခဲ့ရသူ အောင်ကြီးက မြန်မာနိုင်ငံရဲတပ်ဖွဲ့ထံ လျော်ကြေးနဲ့ နစ်နာကြေး စုစုပေါင်း ကျပ်သိန်းငါးထောင်ရလိုမှုနဲ့ တရားစွဲထားတဲ့အမှုရဲ့ ဇန်နဝါရီလ ၁၅ရက်နေ့ ရုံးချိန်းမှာ တရားပြိုင်ဘက်က တရားရုံးသို့ လာရောက်ခဲ့ပြီး နှစ်ဦးနှစ်ဖက်စေ့စပ်ညှိနှိုင်းဆောင်ရွက်မှု မအောင်မြင်ခဲ့တာကြောင့် တရားမမှုအတိုင်း ဆက်လက်ဆောင်ရွက်သွားမယ်လို့ သိရပါတယ်။
