အစိုးရအောက်တွင် လုံခြုံရေးတပ်ဖွဲ့များအားလုံး ရှိရမည့် အခြေခံမူအား သဘောမတူမချင်း EAOs များအား လက်နက်ဖျက်သိမ်း၍ ရမည်မဟုတ်ဟု ဒေါက်တာ လျန်မှုန်းဆာခေါင်း ပြော
စစ်မှန်တဲ့ ဒီမိုကရေစီစနစ် ဖော်ဆောင်ရာမှာ အရပ်သားအစိုးရ လက်အောက်မှာ လုံခြုံရေးတပ်ဖွဲ့များအားလုံး ရှိရမယ်ဆိုတဲ့ အခြေခံမူအား သဘောမတူမချင်း တိုင်းရင်းသား လက်နက်ကိုင်များအား လက်နက် ဖျက်သိမ်းခြင်း၊ တပ်ဖျက်သိမ်းခြင်းတွေ ဆောင်ရွက်လို့ ရမှာမဟုတ်ဘူးလို့ NCA လက်မှတ်ထိုး တိုင်းရင်းသား လက်နက်ကိုင်အဖွဲ့များရဲ့ ငြိမ်းချမ်းရေးလုပ်ငန်းစဉ် ဦးဆောင်အဖွဲဲ့ ကိုယ်စားလှယ် ဒေါက်တာ လျန်မှုန်းဆာခေါင်းက ပြောပါတယ်။
