ပညာရေးဝန်ထမ်း ဆရာမများအပေါ် ပြောကြားချက်နှင့်ပတ်သက်၍ တိုင်ကြားခံထားရသည့် ပဲခူးတိုင်းဝန်ကြီးချုပ်ကိစ္စ အမြန်ဆုံးခေါ်ယူစစ်ဆေးသွားမည်ဟု NLD ဆို
ပညာရေးဝန်ထမ်း ဆရာမများ ကျေးရွာမှာတည်မြဲရေးအတွက် လူငယ်များက ရည်းစားစကားလိုက်ပြောရန်ဆိုပြီး ပြောကြားချက်နဲ့ပတ်သက်လို့ အရေးယူပေးဖို့ တိုင်ကြားခံထားရတဲ့ ပဲခူးတိုင်းဝန်ကြီးချုပ်ရဲ့ကိစ္စနဲ့ပတ်သက်လို့ တိုင်ကြားမှုကို လက်ခံကြောင်းနဲ့ အမြန်ဆုံးခေါ်ယူစစ်ဆေးသွားမယ်လို့ အမျိုးသားဒီမိုကရေစီအဖွဲ့ချုပ် (NLD) ပါတီရဲ့ ပြောရေးဆိုခွင့်ရှိသူ ဒေါက်တာမျိုးညွန့်က ပြောပါတယ်။
